its time meet me...on the sunny road

Dagarnir virðast zoomma frá mér....enn og aftur komin föstudagur og helgi... ég ætlaði að eiga náðuga helgi með þroskasögu barna en allt stefnir í eina ritgerð í kynferðislegu ofbeldi á börnum, fyrirlestur um starfsmannaframmistöðu, heimsókn til hennar Elsu minnar og prinsessunnar Ólavíu Kristínar, göngutúr með Kínverjum og kungfu sýningu og upptöku árshátíðarmyndbands með Animu...

Ég er í tíma hjá amerískum prófessor frá Suður Karólínu. Hún er einkar skemmtilegur og bubblandi karakter sem jafnframt er með mikla ádeilu á sitt eigið kapítalíska ríki, bara gaman af því að hlusta á hana fræða mann um hinar og þessar lagalegu staðreyndir um þetta “veldi” sem maður ekki áður vissi.

Hún var að hafa áhyggjur af því að íslandið okkar góða væri að stefna í svipaðan farveg og kanaeinveldið.... við fullvissuðum hana um að svo væri nú ekki þó að íslenskir rassar væru orðnir svoldið þrýstnari en áður og fyrsta orð barnanna sé McNuggets...... hvað um það...

Ég fór með Animu í vísó seinasta föstudag í X-D, bláa arnareinveldið. Sigurður Kári, Borgar og Hanna Birna tóku vel á móti okkar þar. Ég að sjálfsögðu settist fremst og um leið færi gafst þá skaut ég að þeim spurningum líkt og vel dulbúinn lítill hermaður með AK-47, ég spurði Hönnu Birnu um leikskólastefnu hennar, Sigga Kára um skólagjöldin og Borgar um háskólaspítalann. Svörin stóðu ekki á sér.

–stétt fyrir stétt-.

Einkavæðum spítalana en ekki fyrr en við erum búin að byggja nýjan með sölu Landsímans en pössum okkur að greiða líka niður erlendar skuldir EN ekki of mikið.. passa sig....grænu mennirnir gætu komist til valda og farið á svaka eyðslu og lána fyllerí..gamla fólkið gæti fengið almennilega umönnun, Háskólinn aukafjármagn og lengdur opnunartími geðdeilda....

Gvuð forði erninum frá slíkri framtíð!..eins gott að Steini J. sé á spítala en ekki laumulega að plotta að fara á velferðarkerfafyllerí með Baugs peningana...æ fyrirgefið.. sölu landsíma-peningana..hvernig læt ég?

Jæja, Siggi horfðir beinskeyttur í sakleysisleg græn augu sálfræðinemans og sagði svo eftirminnilega –spurningum er hér með lokið-.

Ég fór að pæla aðeins í þessu..bara svona aðeins..rétt á meðan ég beið eftir einkavæddum strætó til að fara upp í Kringlu að ná í résheftið mitt...

Tja, það er nú saga að segja frá résheftinu og okkar frjálsa og opna lyfjamarkaði...

Ég: (rosa hress og kurteis dama) Góðan dag, ég heiti Sigga Dögg og ætlaði að fá að láta senda réshefti fyrir pillunni í apótek...

Konan: Já..látum okkur sjá...kennitala...læknir...pillutegund... Þetta verður sent í Lyf og Heilsu hérna á móti, tilbúið eftir 20 mín...

Ég: (enn rosa hress) Já nei, geturu látið senda það í Lyfju Laugavegi?

Konan: Nei, Lyf og Heilsa hérna á móti tekur við þessu, það er svo þægilegt.

Ég: (reyni að vera kurteis í raddblæ) Nei, ég bý í miðbænum og fer alltaf í Lyfju og vil versla við Lyfju.

Konan: Jájá, þetta verður þá sent í Lyf og Heilsu niður í Austurstræti og verður komið eftir svona 20 mín.

Ég; (frekar pissed) N E I , Þ Ú S K I L U R M I G EKKI! Ég hef oft beðið hann um að senda í LYFJU LAUGAVEGI, ekki Lyf og Heilsu-sama hvaða staðsetningu sem um er að ræða...

Konan: Nei, það er bara ekki hægt

Ég: (á suðupunkti og farin nett að öskra) Hvað meinaru?! Ég gerði þetta seinast í október og hann hefur alltaf gert þetta fyrir mig.

Konan: Það var allt að breytast, nú sendir hann bara í Lyf og Heilsu og helst bara hérna á móti okkur í Kringlunni, þú sækir pilluna bara þangað á eftir

Ég: HLUSTAÐU NÚ Á MIG, ég á ekki pening til að kaupa getnaðarvörnina sem og húðlyfið mitt í Lyf og Heilsu, ég er í háskólanum og á LÍN, ég bý miðsvæðis, framfærslueyrir minn er 15 þús á mánuði og ég var að koma frá Boston, ég kann vel við Lyfju Laugavegi!!!!

Konan: það er bara ekki hægt að senda pilluna þína þangað (þögn)

Ég: (þrungin þögn í 15 sek) ÉG ÆTLA AÐ KAUPA PILLUNA MÍNA Í LYFJU LAUGAVEGI FYRIR INNLEGGSNÓTU SEM ÉG Á ÞAR!!

Konan: (þögn)

Ég: uhhmmm...gætiru útbúið résheft fyrir mig sem ég svo kem og sæki í afgreiðsluna hjá þér og ég fer sjálf, alveg óháð ykkar preferance og leysi út??

Konan: já það er hægt (nett á leiðinni að skella á mig), það verður tilbúið á morgun.. duuuuuuuuuuuuddduuuuuuuuu. Skellt á.

Hvað segiði, frelsi í lyfjakaupum...er það?

Erum við öll á leið til kaptialísks helvítis?

Hvað gerist svo þegar við einkavæðum hele klappet?

Maður spyr sig.....

Bauð fyrrum sambýliskonu minni á stefnumót í gær, Djónes kvöldið þar áður..stelpan er heit með stelpunum...

Íslensku tónlistarverðlaunin í boði Ice-air..þetta var eins og góður föstudagur á skemmtistað þar sem krafan var 5:1 af sætum strákum á móti stelpum... skemmtileg tilbreyting. Mugison kom sá og sigraði ekki eins mikið og ég hefði viljað, Elsan mín og Bennihemmhemm fengu tvenn verðlaun og Helgi hendes mand fékk 4 verðlaun minnir mig....Mikið gaman að því..

Óska þeim hér með til hamingju með það.

Ég er búin að vera raula Sunny Road og Heartstopper í allan dag...hvernig væri nú að emiliana myndi halda eina litla tónleika eða svo?

Jakobarína voru líka mikil krútt og mikið skemmtilegir...æ am all alone so watch me now....

Kannski var samt highlight kvöldsins þegar Ásgeir sólarpúður Kolbeins kyssti mig.. bara kannski....

Köben er á ferðaplaninu daginn eftir dag valentínusar...rómans í loftinu?

Ég skal ekki segja.

Nóg komið af mér svona rétt fyrir helgina...

Pís át

Siggadögg

-sem borðaði tómatsúpu tvisvar í gær, kannaði tungumálanám í Quiébec, spjallaði við forstjóra Landsbankans og skoðaði umsóknarferlið fyrir sjálfboðastarf á Indlandi-